عـاشـــوراء - و أكـل المصــريين
مناسبات المصريين دايماً مرتبطة بالأكل دي حاجة معروفة في تاريخ المصريين من أيام الفراعنة و الحمد لله إن مناسبات المصريين مرتبطة بالأكل بس مش بحاجة تانية و بمناسبة إن إحنا دلوقت في شهر المحرم انتوا عارفين إيه أصل أكلة العاشوراء اللي هي عبارة عن مهلبية بالقمح المقشور و اللي بناكلها كل سنة في الأيام دي , و بنهاديها لبعض كمان إقرأ معايا اللي كتبه المؤرخ المقريزي بالنص في كتابه المواعظ و الاعتبار بذكر الخطط و الآثار المعروف بالخطط المقريزية الجزء الأول صفحة 490 طبعة دار صادر بيروت عن الأعياد في مصر أيام الخلفاء الفاطميين عن يوم عاشوراء يقول كانوا يتخذونه يوم حزن تتعطل فيه الأسواق و يعمل فيه السماط العظيم المسمى سماط الحزن و كان يصل إلى الناس منه شئ كثير فلما زالت الدولة – يقصد الدولة الفاطمية يعني اتخذ الملوك من بني أيوب يوم عاشوراء يوم سرور يوسعون فيه على عيالهم و يتبسطون في المطاعم و يصنعون الحلاوات و يتخذون الأواني الجديدة ويكتحلون و يدخلون الحمام جرياً على عادة أهل الشام التي سنها لهم الحجاج - يقصد الحجاج بن يوسف الثقفي - في أيام عبد الملك بن مروان ليرغموا بذلك آناف شيعة علي بن أبي طالب...