حكاية الشيك لوحدها
الفصل الثاني من مسرحية القاتل الندل
خلصنا الفصل الأول و حكاية التلاجة ... خش سيادتك ع الفصل التاني
اطفى النور لو سمحت
إخبط على خشبة المرسح على رأي يوسف وهبي تلات خبطات بعصاية المقشة
إفتح الستارة
المشهد الأول
مشهد نهار داخلي ... أنا قاعد في البيت ... خبط الباب ... الواد يوسف ابني فتح ... لقى البوسطجي جايب جواب مسجل بعلم الوصول ... البطاقة ... إمضي لو سمحت ... و يوسف جاب لي الظرففتحت الظرف لقيت استدعاء لمحكمة الجلاء تاني ... و الاستدعاء مكتوب بخط كظماني هيدروليكي لولبي ... تقعد تشبه ع الكلمة زي ما عبلة كامل كانت بتقرا في مسرحية وجهة نظر ... تاني حرف سين ... أو كاف
المهم قلت يا واد ده تلاقيه استدعاء تاني عشان تلاقيهم أجلوا جلسة التلاجة - و زي ما الجهابذة في الشركة قالوا لي ممكن ما تحضرش أول جلسة - يعني فيه تاني جلسة و تالت جلسة قمت رميت الجواب جنب شاشة الكمبيوتر و قلت لما نشوف بقى هانعمل فيه إيه
خفض الإضاءة - نزل ستارة يا زفت
المشهد الثاني
نهر داخلي ... تفتح الستارة على العبد لله في إدارة البحث الجنائي في القسم بعد ما عكشوني من البيت عشان حكاية الفصل الأول اللي هي حكاية التلاجة ... بطاقتك لو سمحت ... اتفضل استريح ... و بعتوا لأمين الشرطة يعمل كشف عن السخص ده ع الكمبيوتر ... إيه ده يا عم الحاج ... ده انت عليك حكم تاني بتلات شهور في قضية شيك ... إيه ... مين ... أنا
أقفل الستارة بسرعة قبل مشهد غرفة الحجز ... بلاش تفكروني و النبي
المشهد الثالث
فلاش باك - 1في سنة 2005 واحد جالنا الشركة و عمل دعاية عن كريديت كارد و قروض زي ما انت عاوز ... و قعد يطاردني حوالي شهر ... و يبيع لي كلام ... و يكلمني كل يوم في البيت و ع الموبايل عشان أوافق آخد قرض ... المهم كنت أيامها محتاج فعلاً فلوس مش فاكر دلوقت ليه و المأموريات كانت ماشية و الأشيا عال و القسط الشهري يعني مش بطال ... المهم أخدت قرض 8000 جنيه يتسدوا على أربع سنين بفايدة 10% سنوي ... يعني أنا حاسدد كام كله يا عم الحاج ... قال لك 11320 جنيه
فلاش باك - 2و بعدين قعدت أسدد لغاية 6000 جنيه تقريبا على مدي سنتين و فاضل حوالي 5000 جنية ... و بعدين العملية وقفت و مافيش مأموريات ... و الساقية بطلت تدور ... و مافيش ميه أصلاً عشان تدور
فلاش باك - 3أدور جنب الكمبيوتر على الجواب اللي جالي في المشهد الأول ... و أمسك أكبر شبشب في البيت و أضرب بيه دماغي ... مش قادر يا زفت البرك تاخد بالك من رقم القضية ... رقم بتاعة التلاجة غير الرقم ده يا نيلة
المشهد الرابع
ليل داخلي ... مكتب المحامي و في إيدي صور مستندات و أوراق قديمة و كعوب شيكات و كشوف حساب و توكيل قضايا من الشهر العقاري
إيه ده ؟؟؟ فين يابني بقية المسرحية
و الله ما أعرف ... لسة في علم الغيب ... ربنا يستر
يعني الناس و الممثلين تروح ؟؟
يا عم خلي الحمار ده هنا
يمكن نعيد منظر الحجز تاني
خلصنا الفصل الأول و حكاية التلاجة ... خش سيادتك ع الفصل التاني
اطفى النور لو سمحت
إخبط على خشبة المرسح على رأي يوسف وهبي تلات خبطات بعصاية المقشة
إفتح الستارة
المشهد الأول
مشهد نهار داخلي ... أنا قاعد في البيت ... خبط الباب ... الواد يوسف ابني فتح ... لقى البوسطجي جايب جواب مسجل بعلم الوصول ... البطاقة ... إمضي لو سمحت ... و يوسف جاب لي الظرففتحت الظرف لقيت استدعاء لمحكمة الجلاء تاني ... و الاستدعاء مكتوب بخط كظماني هيدروليكي لولبي ... تقعد تشبه ع الكلمة زي ما عبلة كامل كانت بتقرا في مسرحية وجهة نظر ... تاني حرف سين ... أو كاف
المهم قلت يا واد ده تلاقيه استدعاء تاني عشان تلاقيهم أجلوا جلسة التلاجة - و زي ما الجهابذة في الشركة قالوا لي ممكن ما تحضرش أول جلسة - يعني فيه تاني جلسة و تالت جلسة قمت رميت الجواب جنب شاشة الكمبيوتر و قلت لما نشوف بقى هانعمل فيه إيه
خفض الإضاءة - نزل ستارة يا زفت
المشهد الثاني
نهر داخلي ... تفتح الستارة على العبد لله في إدارة البحث الجنائي في القسم بعد ما عكشوني من البيت عشان حكاية الفصل الأول اللي هي حكاية التلاجة ... بطاقتك لو سمحت ... اتفضل استريح ... و بعتوا لأمين الشرطة يعمل كشف عن السخص ده ع الكمبيوتر ... إيه ده يا عم الحاج ... ده انت عليك حكم تاني بتلات شهور في قضية شيك ... إيه ... مين ... أنا
أقفل الستارة بسرعة قبل مشهد غرفة الحجز ... بلاش تفكروني و النبي
المشهد الثالث
فلاش باك - 1في سنة 2005 واحد جالنا الشركة و عمل دعاية عن كريديت كارد و قروض زي ما انت عاوز ... و قعد يطاردني حوالي شهر ... و يبيع لي كلام ... و يكلمني كل يوم في البيت و ع الموبايل عشان أوافق آخد قرض ... المهم كنت أيامها محتاج فعلاً فلوس مش فاكر دلوقت ليه و المأموريات كانت ماشية و الأشيا عال و القسط الشهري يعني مش بطال ... المهم أخدت قرض 8000 جنيه يتسدوا على أربع سنين بفايدة 10% سنوي ... يعني أنا حاسدد كام كله يا عم الحاج ... قال لك 11320 جنيه
فلاش باك - 2و بعدين قعدت أسدد لغاية 6000 جنيه تقريبا على مدي سنتين و فاضل حوالي 5000 جنية ... و بعدين العملية وقفت و مافيش مأموريات ... و الساقية بطلت تدور ... و مافيش ميه أصلاً عشان تدور
فلاش باك - 3أدور جنب الكمبيوتر على الجواب اللي جالي في المشهد الأول ... و أمسك أكبر شبشب في البيت و أضرب بيه دماغي ... مش قادر يا زفت البرك تاخد بالك من رقم القضية ... رقم بتاعة التلاجة غير الرقم ده يا نيلة
المشهد الرابع
ليل داخلي ... مكتب المحامي و في إيدي صور مستندات و أوراق قديمة و كعوب شيكات و كشوف حساب و توكيل قضايا من الشهر العقاري
إيه ده ؟؟؟ فين يابني بقية المسرحية
و الله ما أعرف ... لسة في علم الغيب ... ربنا يستر
يعني الناس و الممثلين تروح ؟؟
يا عم خلي الحمار ده هنا
يمكن نعيد منظر الحجز تاني
Morsi,,,,,,,I read your blog while I was in the university and I strated laughing with very high voice,,,and every one looked at me!!
ردحذفPlease stop wrtting becuase you make me either cry or laugh,,,,,what should I do with you?!!!