الحب كده
لو انت بتحب حد أو حاجة
يبقى لازم تكون بتعمل اللي هاقوله
ها تعمله بإرادتك أو حتى من غير إرادتك
ها تعمله بالترتيب أو من غير ترتيبها تعمله كله أو شوية منه
بس أنا متأكد إنك لازم تكون بتعمل منه حاجات و لو غصب عنك
غصب عنك لازم تفكر فيه كتير ... يعني يبقى مسيطر على تفكيرك
و انت بتفكر فيه بتبقى سعيد قوي ... و مش عايز تفكر في حاجة تانية
و لو حد قطع عليك تفكيرك بترجع للتفكير فيه على طول
غصب عنك تلاقي كلامك مع كل الناس عليه ... عليه هو بس
تلاقي نفسك بتتكلم على صفاته ... على جماله
بتتكلم على حبك ليه
عن إنك ما تقدرش تستغنى عنه أبداً
لو حد جاب سيرته بحاجة وحشة قدامك بتبقى غضبان جداً
و ممكن تدافع عن اللي بتحبه و لو حتى تتخانق و تضرب اللي بيتكلم عنه وحش
غصب عنك تلاقي نفسك بتعمل اللي هو بيحبه بس
و اللي هو عايزة منك بس ... و لو حتى مش على مزاجك
و تلاقي نفسك مش قادر تعمل حاجة تضايقه
حتى لو انت عايز تعملها
و لو كل الناس بتقول لك اعملها
مش قادر تحس الإحساس الرهيب انك عملت حاجة تضايق حبيبك
غصب عنك تلاقي نفسك عايز ترضيه
ترضيه قوي
و تفرح قوي لما تحس إنه راضي عنك
غصب عنك تلاقي نفسك لو قاعد معاه تبقى مش عايز تسيبه أبداً
مش عايز الوقت يمر
عايز تفضل معاه على طول
عايز تقرب منه أوي أوي ... و تفضل قريب منه
حتى لو حبيبك عمل حاجة مش عاجباك
حتلاقي نفسك مش قادر تزعل منه
حتلاقي نفسك مش قادر ما تحبوش
لو الناس كلها بعدت عنك و كرهتك
لو الناس كلها بعدت عنك و كرهتك
ممكن تضحي بالدنيا كلها ... بس ما تبعدش عنه
بيتهيألي إن أي واحد قرأ كلامي ده أكيد حس بكلامي مع أي حد بيحبه
حبيب و حبيبه
خطيب و خطيبة
زوج و زوجة
إبن أو إبنه
أب أو أم
صديق عمر من غير مصالح
انسان متوفي عزيز عليك قوي
وممكن يكون حتى قطة مربيها عندك في البيت
و حتى ممكن يكون جماد
ممكن يكون مكان معين
أو ممكن يكون بلد
أو يكون شغلك
أو شركتك
أو حتى نفسك
طيب
تعالوا بقى بكل هدوء كده
نطبق الحب الجميل قوي ده
على واحد نعرفه كلنا
الله
ربنا سبحانه و تعالى
و كمان تعالوا نطبق الحب ده على واحد تاني
رسول الله محمد صلى الله عليه و على آله و صحبه وسلم
عارفين لو حبينا الله و رسوله بالطريقة دي
عارفين لو حبينا الله و رسوله كل الحب ده
نبقى فعلاً من اللي قال عليهم ربنا
رضي الله عنهم و رضوا عنه
اللهم ارزقنا حبك
و حب من يحبك
و حب عمل يقربنا إلى حبك
وعايزين تفهموا كلامي كويس
إقروها من الأول تاني
يا سلام عليك يا عم مرسي الكلام دة في العقيدة و في الصميم في دين الله
ردحذفدة اسمة الولاء و البراء يا عم
انت مش خايف لي نفسك و لا اية
ربنا يصلح حالك
ردحذفبجد الكلام فى منتهى الروعه
تحياتى لك
الله على كلامك ده يا سيدى كلام زى السكر
ردحذفبارك الله فيك