الموظفون في الأرض
بقالي دلوقت 18 سنة في الشركة - و قبلها 4 سنين في وزارة العدل - و بقيت على درجة مدير إدارة و على وش مدير عام في خلال سنتين - و شحات - أي نعم لسة ما قعدتش قدام الجوامع - بس برضه شحات
الغريبة بقى إن الناس كلها في البلد قامت و اتكلمت و صرخت و عملت مظاهرات - لكن الناس اللي في الشركة اللي أنا فيها لا و لم و لن تفعل أي شئ
ليه بقى - لأنهم موظفين - و لو عايزين تعرفوا يعني إيه موظفين إسمعوا لحن الموظفين بتاع سيد درويش
طب و إيه اللي يخلي الموظفين قاعدين كده و عاملين في نفسهم كده
بعد تفكير فلسفي عميق و بعد معايشة و خبرة 22 سنة موظف فهناك سبعة أسباب
السبب الأول - إن الموظف بيعمل مصلحة من وراء قعدته اللي مالهاش أي لازمة في المصلحة أو في الشركة - و فيه مليون طريقة عند أي موظف لتقليب العيش - يعني اللي في القانون بيسموها تربح - وخد بالك من تشديد الباء المضمومة لو سمحت - أهون الطرق دي هي الرشوة - آه آسف - إسمها الإكرامية
السبب التاني - أن الموظف ما عندوش أي خبرات أو إمكانيات فكرية أو لغوية أو أي شئ يخليه يفكر إنه يسيب الوظيفة - لأنه بصراحة حيتفضح - و يبان إنه بصمجي و ما يعرفش أي حاجة في أي حاجة - و على إيه - أهو قاعد متداري في الوظيفة و اسمه مدير و تحت إيده موظفين و سعاة و فراشين بيشخط فيهم كمان
السبب التالت - إن الموظف يكون كبر في السن - و فاضل له سنتين تلاته و يطلع معاش - و يخبط مكافأة نهاية الخدمة و معاش كامل كمان - و دي بقى عقلية الموظفين اللي على حق
السبب الرابع - بعض الموظفين بيعتبر إن الوظيفة دي تعتبر قيمة و مركز و أمَلَه ما كانش بيحلم بيها حد من عيلة الموظف - و ممكن يكون مثلاً أبوه كان ساعي أو فراش في الشركة و دعا ربنا دعوة استجابت و ابنه بقى موظف
السبب الخامس - إن نسبة كبيرة من الموظفين بتروح الشغل تمضي و تتوكل على الله - تقلب عيشها في أي سبوبة أكل عيش تانية - و الحكاية دي بتلاقيها أكتر في المدن اللي فيها مواني - زي اسكندرية و بورسعيد و السويس
السبب السادس - إن الموظف يكون عايش في غيبوبة - يعني حاجة كده زي المدمنين - يقول ربنا يتوب علينا بقى من الهم ده و الواحد نفسه يسيب الوظيفة - و برضه قاعد ومستكن و مأنتخ
السبب السابع و الأخير - هو الجبن - الموظف جبان جداً جداً جداً - وتفضل تقول جداً كده لغاية بكرة الصبح
و ممكن تلاقي الأسباب دي متفرقة أو مجتمعة في الشخص الواحد
المصيبة بقى إني ما لقيتش نفسي في و لا واحد من دول
طب أنا إيه اللي صبرني على الهم ده 22 سنة - أقولك
يمكن لأني أول ما اشتغلت كان مرتبي بيكفيني
يمكن عشان كنت دايما باخد أجازات بدون مرتب - سافرت السعودية مرتين - وأشتغلت في القطاع الخاص كتير - و فتحت مكتبة وقفت فيها طول النهار و الليل و قفلتها
يمكن لأني دايما كنت في مأموريات تصدير في السويس أو اسكندرية أو دمياط - و طبعاً بدل السفر و المأموريات كانت عمياني و مش مخلياني أفكر كتير
بيتهيألي يمكن تلاقوني أنا موظف الحكومة أو القطاع العام الوحيد اللي عامل مدونة - لأن عقلية الموظفين لا تسمح أبداً بالرفاهية الفكرية أو الكمبيوترية دي - و زي ما بيقولولي دايما في الشركة إني عبيط أو مجنون أو دماغي فاضية - و أكاد أجزم أن جميع زملائي في الشركة ما يعرفوش أساسا يعني إيه مدونة
عارف إن فيه موظفين محترمين و نفوسهم طيبة و عاليه و بيراعوا ربنا في كل حاجة و كل معاملة - لكن دول عملة نادرة جداً - و حاجة من الاتنين - يا إما عندهم مصدر دخل أساسي غير الوظيفة با إما من عيلة كبيرة و غنية - غير كده يبقى أي موظف محترم و بيراعي ربنا مش حيلاقي ياكل
يا ريت ألاقي و لو واحد بس يقرأ اللي كتبته - و أحس إني مش لوحدي جوه الوظيفة و بره الوظيفة كمان
و يا ريت برضه تدورولي على شغل - لأني خلاص - استويت
آه - على فكرة - نسيت أقول لكم إني بعد 22 سنة وظيفة - و معايا مؤهل عالي كمان و خبرة في الكمبيوتر و إجادة اللغة الانجليزية - مرتبي الشهري 800 جنيه - ده يعني لو أخدتهم
مش بقول لكم الموظفون في الأرض
شكرا على الموضوع بس كدة الموظفين بقوا تحت تحت الارض
ردحذفيا عمنا قصدك الموظفون في الأرض
ردحذفيعني الموظفون في باطن الأرض
حضرتك فعلاا أول واحد فوق سن 30 أشوفه مهتم بالنت أصلاا...
ردحذفو علي فكره أنا كنت بتصفح في يوتيوب فعجبني جداا الحجات المصريه الأصيله الي أنت حاططها
الحسين و الطرق الصوفيه و السيده زينب و محمد منير و مقاطع الأفلام الجامده جداا
بس حضرتك حاطط معلومات كتير قوي عن نفسك الأسم ثلاثــــــي و العنوان و التاريخ الوظيفي
ايه مش خايف حد يستغل المعلومات دي،نصاب مثلا !
الموضوع هايل. و أعتقد فعلا إن مفيش تحليل لشخصية الموظف غير التحليل الي حضرتك قدمته. فعلا معظم الموظفين بيتوقفوا عند مرحلة التعيين في الوظيفة و يوقف معاهم التطور الفكري يعني لا بيتعلموا حاجة جديدة ولا بيفكروا يحسنوا من قدراتهم العقلية. وبيلف نفسه بأفكار سلبية و تشاؤمية تجيبه الأرض
ردحذفو إذا فكر يحسن وضعه يبقى بطريق غير مشروع. وهي البلد ضاعت من شوية!!!!!
و أنا برده واحدة من الناس الي استغربت أن موظف في سن حضرتك عنده القدرة على تعلم الكمبيوتر, ومش مجرد تعليم سطحي يخليه بس يعرف يلعب جيمز لا دة كمان يفتح مدونة و يتناقش في مواضيع مهمة و عنده يوتيوب و الله أعلم ايه تاني. ربنا يوفقك و يزيدك
thank you mr mohamed, i follow you in the youtube, i thought at the begining that you are a young man less than 30 years , but as i can see you are little bit older :D
ردحذفif you can leave egypt, you are welcome to estonia, i am egyptian living there, and i can promise you job for more than 800 egyptian pounds
is it really possible for a family right now to live with 800
عندما أراد الصحابي زيد – رضي الله عنه - الزواج ، ولما كانت منزلته الكبيرة عند النبي – صلى الله عليه وسلم - يشهد لها الجميع ، فقد خطب له النبي – صلى الله عليه وسلم - ابنة عمته زينب – رضي الله عنها وأرضاها – فقبلت به لأنها تعلم تلك المنزلة ، رغم فارق النسبين .. فقلت في نفسي :
ردحذفإنهما مثالا لأنجح زوجين ، فهو ربيب النبي – عليه صلوات ربي وسلامه - ويملك ما يجعله مثال الزوج الصالح في نظر أي امرأة ..
وهي إبنة الحسب والنسب العفيفة الشريفة ذات الأخلاق الكريمة – ولست أهلاً لأزيد من الثناء عليها رضي الله عنها .
ومع ذلك ، انفرط عقد زواجهما ، وانفصلا بالطلاق !
فهل يمكنني أن أصف زيداً بأنه " فاشل " ؟
وهل يمكنني أن أصف زينب بأنها " فاشلة " ؟
أليس الطلاق بين الزوجين علامة لفشلهما في تحقيق الاستقرار الأسري ؟
إذاً حسب المقاييس التي اتفق الجميع عليها ، هما " فاشلان " – وحاشا لله أن يكونا كذلك .
فقد قدّر رب العالمين أن تنتهي رابطة الزواج بالانفصال .. ليبدأ بعدها رباط أقوى وأسمي لكل منهما .
فقد كان أمر الزواج والطلاق بعد ذلك لحكمة خفيت على الجميع ، وهي إبطال التبني ، ونحن نعلم أن زيداً كان في البدء يُنسب لسيدنا محمد – عليه الصلاة والسلام – بحكم تبنيه له . .وكان يُدعى " زيد بن محمد " .
ولأن الله أنزل تشريع الأحكام متدرجة بما يتناسب مع المجتمع حينها ، وقد تعارف الجميع على جواز التبني ، وجواز أن يرث الرجل إحدى نساء أبيه بعد موته .
طلق زيدٌ زينب ... فأمر الله – تبارك وتعالى – نبيه أن يتزوجها ..
.. فأدرك المسلمون أن التبني محرم ، والدليل زواج نبيهم بطليقة من نسبه إليه
الله أكبر !
وها هي زينب قد تحولت في نظر النساء – ! إلى امرأة محظوظة " ناجحة " !
وتزوج زيدٌ من امرأة أخرى ، وأنجبت منه " أسامة بن زيد بن حارثة " – حب ِ ابن حبِ رسول الله صلى الله عليه وسلم .. ونجح في تربية " أسامة " الصحابي القائد لجيش يضم كبار الصحابة ، وهو في الخامسة عشرة من عمره !! . .
إن ما يحدث لنا ، إنما هو ابتلاءات من الله ، أو استدراج لمن اختار طريق الغواية ودروب الشيطان .
قد يحدث أن تسير على طريق شائك حافي القدمين ، وبدون انتباه تدخل شوكة في باطن قدمك ، قل الحمد لله ..
فما أصابك من ألم ٍ فيه خير لك ، فقد كفـّر الله بها خطاياك ، وأثابك على ألم الشوكة ... أفلا تقول الحمد لله ؟
تتقدم لطلب وظيفة فتـُرفض ويُـقبل غيرك رغم استحقاقك لها ، قل الحمد لله ..
فعمل ٌ أفضل منه ينتظرك ، وهو أصلح لك من الأول . وقد يكون رئيسك فيه أطيب خلقاً ، أو تجد فيه صحبة طيبة ، أو يكون محل العمل أكثر قرباً لمسكنك فتكسب الوقت لقضاء عبادة تنفعك في الآخرة ... أفلا تقول الحمد لله ؟
تعزم على السفر لقضاء مهام أو عقد صفقة تجلب لك المال والسمعة والوجاهة ، ولكنك تفوّت موعد الطائرة ، فتـفقد صفقتك .. قل الحمد لله ..
فربما خسرت صفقة تجلب لك مالاً ، ولكن ربما كسبت مقابلها فرضاً للصلاة صليته في مسجدك ، فكسبت مغفرة ورحمة من الله تضفي عليك سعادة لم يذقها أحد ٌ من قبلك من ذوي الص! فقات اللاهثين خلف جمع المال ! .. أفلا تقول الحمد لله ؟
لا تقل " فشلت " .. بل قل .. " لم يوفقني الله في هذا الأمر ولعل توفيقي في امر آخر" .. والحمد لله على كل حال
لا تقل " أنا فاشل " .. بل قل ... " أنا متوكل " .. وخذ بالأسباب .. وقل الحمد لله على ما قدّر لي مسبّب الأسباب
لا تقل " أنا لاأملك شيئاً " .. بل قل .. " الله ربي ادخر لي من الخير ما لا أعلمه " .. والحمد لله يرزق من يشاء بغير حساب لا تقل " أنا لاشيئ " بل .. أنت شيئ .. كما أنا شيئ .. والآخر شيئ
فاطلب ربك أن يدخلك في رحمته التي وسعت كل شيئ .وأنت شيئ .. أنت في نظري كل شيئ
يا صديقي العزيز ..
ابتسم من فضلك ، ولا تحزن ..
وعاود الكرة .. واستخر ربك في كل خطوة تخطوها .. وارض بما قسمه الله لك من نتيجة أمرك ..
ولا تقل بعد اليوم " أنا فاشل " .. بل قل :
" أنا ناجح " بإيماني .. " أنا ناجح " بطموحي لإرضاء ربي .. " أنا ناجح " لحبي لنبيي .. " أنا ناجح " لأني مسلم ..
وهذا يكفيني .
أنا كمان موظف بس شاب, أصغر من حضرتك شوية وعندى مدونة متواضعة أرجو حضرتك تزورنى فيها واتشرف جدا بمعرفة سيادتك ,وجميل جدا إن فى حد لسه شايل مصر فى قلبه وده باين من خلال الجوانب الشخصية اللى حضرتك ذاكرها فى التعريف بنفسك والواضحة جدا من خلال المواد الفيلمية المميزة الموضوعة على موقع اليو تيوب واللى تبين ملامح شخصية حضرتك.. أخوك الأصغر عمرو
ردحذفالسلام عليكم ورحمة الله وبركاته
ردحذفما قلته عن الموظفين يتطابق الى حد كبير
مع الموظفين بالقطاع الخاص فى 90 بالمائه من الشركات وانا كنت منهم ولكننى اتخذت القرار والحمد لله منذ 5 اشهر وقمت بعمل شركه مساهمه للاستيراد والتصدير والتوكيلات والتوزيع وانا محتاج موظف او شريك له خبره بالتصدير للنهوض بقسم التصدير فى ظل الظروف الدوليه الراهنه على العموم اذا اردت التحدث انا اسمى / حازم حسنى
موبايل / 0101404929
e mail / hazem_hsny@yahoo.com
السلام عليكم ورحمة الله وبركاته
ردحذفما قلته عن الموظفين يتطابق الى حد كبير
مع الموظفين بالقطاع الخاص فى 90 بالمائه من الشركات وانا كنت منهم ولكننى اتخذت القرار والحمد لله منذ 5 اشهر وقمت بعمل شركه مساهمه للاستيراد والتصدير والتوكيلات والتوزيع وانا محتاج موظف او شريك له خبره بالتصدير للنهوض بقسم التصدير فى ظل الظروف الدوليه الراهنه على العموم اذا اردت التحدث انا اسمى / حازم حسنى
موبايل / 0101404929
e mail / hazem_hsny@yahoo.com
كلامك يا أستاذ مش محتاج لتعليق no comment عن بنودك كلها و خاصة الموظف الشريف بس بردة من توكل علي الله فلا يحزن لسه في أخرة و حساب و الإنسان لازم يتحري المصدر الحلال في رزقة عشان مش دي النهاية في حساب و جنه عرضها السماوات و الأرض و برضة في نار و جحيم فنصبر و لنا الجنة و نقتدي بالصالحين و الأنبياء و فتنة الأمة هي المال فنسأل الله من فضلة و الأرزاق علي الله و أما العبد فلا يملك لنفسة شئ دا النفس شغال بفضل الله و نعمة النظر لا يعدلها كنوز و أموال الدنيا كلها و ربنا يغنينا بفضلة عمن سواه . ( محمود)
ردحذف