إبراهيم حمدي
من يومين كانوا عاملين فيلم في بيتنا رجل في قناة فضائية طبعاً كلنا حافضين الفيلم من أوله لآخره
كلنا شفناه مليون مرة
زاهر افندي و محيي و عبد الحميد و نوال و ساميه
الدباغ و همام بيه و البت الخدامة اللي مشوها عشان بتغني
بس بما إن الطور قلع غماه على رأي عمي صلاح جاهين
بقيت أشوف كل حاجة بشكل تاني و بلون تاني خالص
عينيا اتغيرت
باظت يعني زي ما الطور بطل يلف
إبراهيم حمدي اللي هو بطل الفيلم عمر الشريف
طول عمرهم من و إحنا في ابتدائي كانوا بيقولوا لنا و يفهمونا و يدخلوا في دماغنا إن إبراهيم حمدي ده بطل
الفيلم كله من أوله لآخره ببقول كده
إبراهيم حمدي بطل
إبراهيم حمدي بطل
و زمايلة كلهم في الفيلم عاملاه زعيم
حتى البنت الحلوة اللي في الفيلم
نوال .. زبيدة ثروت حبته عشان هو بطل
أخوها حسن يوسف كان مالوش في السياسة خالص .. مذاكرة و بس
و ابن عمهم رشدي أباظة برضه مالوش في السياسة خالص .. صياعة و بس
إبراهيم حمدي بقى غير البيت كله
غير كل مفاهيم البيت
خلاهم يفكروا
خلاهم يحسوا ببلدهم و اللي بيحصل فيها
و خلا حسن يوسف و رشدي اباظة يتغيروا
خلاهم يقفوا جنب مبدأ معين و يدافعوا عنه
حتى لو اتعرضوا لأهوال الدباغ و همام بيه بتاع البوليس السياسي
حتى لو اتعرضوا لأهوال الدباغ و همام بيه بتاع البوليس السياسي
كلنا و إحنا صغيرين كان نفسنا نبقى إبراهيم حمدي أو على الأقل واحد من أصحابه و أعوانه
طول عمرنا كان مضحوك علينا و فاهمين ان إبراهيم حمدي ده بطل
و بقدرة قادر ... اتضح العكس
لأ
أيها السيدات و السادة
يا شعب مصر الحبيب
إليكم البيان التالي
صرح مصدر أمني مسئول
و اتضح أخيرا و بعد طول انتظار
إن المدعو إبراهيم حمدي مش بطل و لا حاجة
ده إنسان خارج عن القانون
إن المدعو إبراهيم حمدي مش بطل و لا حاجة
ده إنسان خارج عن القانون
إبراهيم حمدي يدعوا لقلب نظام الحكم و تعطيل أحكام الدستور
إبراهيم حمدي يثير البلبلة
إبراهيم حمدي يكدر الصفو العام
إبراهيم حمدي يدعو لإثارة و تحريض الجماهير
إبراهيم حمدي كمان متهم بالانضمام لجماعة إرهابية محظورة
و متهم بحيازة سلاح بدون ترخيص
و بالمرة كمان بقى تعطيل المرور
و الدعوة للإضراب و تعطيل مصالح الجماهير
و التأثير السلبي على الاقتصاد و تعاملات البورصة
و يمكن كمان يكون هو اللي دعا لإضراب ستة أبريل مش إسراء
و على رأي واحد حبيبي
ابراهيم حمدي ده هو القلة المندسة اللي بيقولوا عليها
الخلاصة
إبراهيم حمدي مش بطل
و لا كل أصحابه و أعوانه أبطال
و لا كل عائلة زاهر أفندي حسين رياض كمان أبطال
عارفين مين الأبطال ؟؟
عمر الشريف و زبيدة ثروت طبعاً
هو مش كان فيلم برضه و لا إيه ؟؟
ما تقعد تتفرج ياعم
ده فيلم حلو قوي
تاخد لب ابيض ولا اسمر
يامرسى كلاب النظام اللى زيك احرص الناس عليه وهيجى ليوم اللى زيك يختفوا مع اختفاء انظام الفاسد وصوت الحق لا يشترى
ردحذفيا اخوالنا البلد كانت في عهد الاحتلال وكان كل النظام بريطاني وكل من في النظام هم خونه بلا شك وكل من عين في وزاره واي مصلحه حكوميه في ذلك الوقت واستمر في هذا المنصب فهو خائب خائن وذلك لانه لم يقدر علي قول كلمه الحق ضد المعتدين
ردحذفيا اخوالنا البلد كانت في عهد الاحتلال وكان كل النظام بريطاني وكل من في النظام هم خونه بلا شك وكل من عين في وزاره واي مصلحه حكوميه في ذلك الوقت واستمر في هذا المنصب فهو خائب خائن وذلك لانه لم يقدر علي قول كلمه الحق ضد المعتدين
ردحذف