الطور المربوط في الساقية
إقلع غماك يا طور .. و ارفض تلف
كسر تروس الساقية .. و اشتم و تف
قال : بس خطوة كمان .. و خطوة كمان
يا أوصل نهاية السكة .. يا البير يجف
وعجبي
رباعية من رباعيات عمي صلاح جاهين الله يرحمه
الرباعية دي قلبت دماغي
الرباعية دي قتلتني
قعدت افكر
هو ده كلام إنسان لنفسه
و لا كلام إنسان لطور مربوط في ساقية و الطور بيرد عليه
و إذ فجأتن
كسر تروس الساقية .. و اشتم و تف
قال : بس خطوة كمان .. و خطوة كمان
يا أوصل نهاية السكة .. يا البير يجف
وعجبي
رباعية من رباعيات عمي صلاح جاهين الله يرحمه
الرباعية دي قلبت دماغي
الرباعية دي قتلتني
قعدت افكر
هو ده كلام إنسان لنفسه
و لا كلام إنسان لطور مربوط في ساقية و الطور بيرد عليه
و إذ فجأتن
اكتشفت الاكتشاف الرهيب
أنا الطور اللي مربوط في الساقية
و الساقية دي هي الوظيفة
أو على رأي استاذنا عباس محمود العقاد اللي كتب مقاله زمان قوي
ما قريتش المقالة دي للأسف بس عنوانها صدمني
الاستخدام .. رق القرن العشرين
و الاستخدام زمان كان هو الإسم الشائع للوظيفة
و الموظف كان اسمه مستخدم
و الرق طبعاً هو العبودية
أنا بقى مربوط في الساقية بقالي 22 سنة
بالف و الف و الف
و عيوني مغميه
و مصيبتي السودا بقى
إن ربنا أراد إن الغماية اللي على عيوني تتشال
و ياريتها ما اتشالت
وقفت
حرنت
ومش عايز ألف تاني
و حتى لو حبيت أحط الغماية على عيوني تاني مش هاعرف
و حتى لو حبيت ألف مش هاعرف ألف زي الأول
المصيبة التانية
إني لقيت نفسي باردد كلام الطور
بس خطوة كمان .. و خطوة كمان
يا أوصل نهاية السكة .. يا البير يجف
لأني لازم ألف
عشان المعاش و عشان العيال
و عشان تعب السنين اللي راحت
لازم ألف و ألف و ألف
بس من غير غماية على عينيا
المصيبة التالتة بقى
و لا عمر السكة هايبقى ليها نهاية
و لا عمر البير ها يجف
الله يرحمك يا صلاح جاهين
خليتني اشيل الغماية ليه بس
أرجع ألف تاني ازاي دلوقت
عجبي
الرباعية جميلة طبعا و معبرة عن اللى انت نفسك تقولة جدااا بس مش عارفة فين الصح و فين الغلط يعنى هو لازم الواحد يعمل الحاجات اللى بيحبها بس و لا ساعات الظروف بتجبرنا اننا نقوم ببعض الحاجات اللى مش مريحة بس مجبرين عليها عشان التزامتنا ..و لو فعلا الظروف حطتنا فى الموقف دة اية هو رد الفعل السليم نرفض و نضرب بالكلام دة عرض الحائط و منعملش غير اللى مقتنعين بيه مهما كانت تبعات التصرف دة و لا نقبل و نقول هى ديه الدنيا؟؟!!!! انا شايفة ان الواحد لازم يكون فيه فى حياتة حاجة بيحبها بمعنى تانى الشىء اللى بنقوم من النوم عشانه بس مش لازم كل حاجة فى يومنا تعجبنا عشان نعيش لاننا اكيد هنقابل سلبيات كتيرة و جايز جدااا يكون تغيرها مش فى ايدنا فا مفيهاش حاجة لو استحملنا شوية مادام فيه بصيص ضوء فى حياتنا و دة موجود فى حياة اى حد زى الناس اللى بنحبها او المبادى اللى بنحاول نطبقها و ننشرها لاننا مؤمنين بيها ...الحالة الوحيدة اللى لازم ابطل فيها لف فى الساقية ان تكون الساقية دية فيها حاجة حرام بتغضب ربنا ساعتها فورا اسيبها و اكيد ربنا هيعوضنى خير لكن غير كدة اى حاجة ممكن نتحملها لحد على الاقل ما يظهر البديل ..
ردحذفيا استاذ محمد معلهش مهى دى الحياة دخلنها شايلنا شيل و هنخرج منها برضه شايلنا شيل.
ردحذفخوض معركتها زى جدك ماخاض
صالب و قالب شفتك بامتعاض
هى كده متنولش منها الرضا غير بعد صد و رد و ووجاع مخاض
و عجبى