أيها الثور .. ابحث عن ساقية أخرى
أنا راجل متجوز من 23 سنة
مراتي تبقى بنت عمي
اتجوزتها و هي في تانية كلية البنات
أخدت ليسانس تاريخ و دبلوم تربوي بفضل الله و بمساعدتي و تشجيعي ليها
و عمرها ما اشتغلت و لا فكرت تشتغل
الحمد لله عندي خمس عيال
ولادي كلهم في التعليم و كلهم أزهريين
الكبير في ليسانس أصول الدين و الصغيرة في الحضانة
معنى ده إيه ؟؟
معناه ببساطة إني محافظ على بيتي و ولادي و الحمد لله لمدة تلاتة و عشرين سنة
الحمد لله عمري ما اشتكيت
الحمد لله عمري ما ونيت
الحمد لله عمري ما زهقت من المسئولية
اترميت في البحر و أنا لسة مش باعرف أعوم
عمري ما قلت غير يا رب
و ربنا دايماً كان معايا
كنت دايماً و على قد ما أقدر
باشوف أي حاجة اقدر أسعد بيها مراتي و ولادي
حافظت على بيتي و مراتي و ولادي
عمري ما طلبت من مراتي انها تشتغل
كنت دايما باقول لها ليكي عندي شغلانة حلوة
انك تصلي و تدعي لي بعد صلاتك
وتقولي يا رب الرزق اللي كان هايجيلي لو اشتغلت ارزق جوزي بيه لأنه هايوصل لي أنا و ولادي عن طريقه
عمر ولادي و لا مراتي ما اشتكوا مني لحد
طول عمري باحاول أسعدهم
كل الناس بتقول دايما اني مدلعهم
حتى حمايا و حماتي
أكيد لازم أدلعهم
مش مراتي و عيالي
دخلت عيالي مدارس أزهرية
جبت لهم محفظين قرآن
جبت لهم مدرسين في كل المواد
بشهادة كل الناس ربيت عيالي كويس
بشهادة كل الناس ربيت عيالي كويس
ماحدش يقدر يقول عليهم أي حاجة
يعني ببساطة مش هاجي بعد تلاتة و عشرين سنة و اكبر دماغي و لا استهبل و انا عارف ان لسة المشوار قدامي طويل
يعني لازم يكون فيه حاجة كبيرة قوي هي اللي تخليني افكر دلوقت أسيب الشركة اللي بقالي فيها 18 سنة و أدور على شغل تاني
أنا مش اهبل
ولامكبر دماغي
ولا باتسنكح على مخاليق ربنا
عشان أخلع ايدي كده بكل بساطة
طب ايه السبب
دي بقى قصة تانية
ياريت قصة
ياريت قصة
ده هايبقى مسلسل
ها يبقى فيلم هندي
مش عارف ليه لازم أقول كل الحاجات دي
يمكن لأني مش لاقي حد يسمعني
أو لو حتى حد سمعني بلاقيه مش فاهمني
دلوقت و بعد سنة على النت
و بعد ما لقيت ناس غير مراتي و ولادي بتقول انها بتحبني
عايز اتكلم
عايز اتكلم
عايز اتكلم
على فكرة
دي صورة هاجر ست البنات ربنا يحميها
يارب يقدرني على اني أربيها و احافظ عليها
و يحنن قلبها علينا
دي بقى الدلوعة بجد
تعليقات
إرسال تعليق
محتوى رائع استمروا