لو نفسيتك تعبانة و عاوز تتدلع 😂 رجعت للشغل و الدراسة و قرفهم و عاوز تفصل
تعمل ايه 🤔
معروفة 😍 تاكل اكلة حلوة تدلعك و تفرفشك و تنسيك اي حاجة وحشة في حياتك
الاكل هو اللي يستاهل كل مشاعرنا يا جماعة والله 😂
و دا اللي اتأكدنا منه لما جربنا محل كبدة وكابوريا إسكندرانى
المحل موجود في التجمع اللي بقي مليان محلات اكل هايلة و قدر يبقي متميز و ناجح وسطهم و ناس كتير تروحله مخصوص اولهم احنا 😍
حاجتين مالهمش علاقة ببعض بس الاتنين عنده احلي من بعض 😍 و اسعاره مش موجودة في حتة في التجمع
صحاب المحل اسكندرانية عارفين اصول الكبدة و السي فوود
ساندوتش الكبدة اسكندراني فعلا زي مالكتاب بيقول 😍 الكبدة الوحيدة اللي دوقناها احلي من كبدة الفلاح في اسكندرية 😍😍 يتحكي فيه حكايات والله
دخلنا عالم الفوسفور بقي و اول حاجة جربناها كانت مكرونة بالسي فوود سبايسي لسة جديدة منزلتش في المنيو
طعمها يجنن و مش هتقدر تسيبها الا لما تخلص كلها و تقوم حاسس انها خدتك في حضنها 😂❤❤
بتشبع لوحدها خالص و مش غالية ب 65 جنيه بس 😂
و عندهم سندويتشات كابوريا مقلية
كان معانا حد طول عمره مابيطيقش الكابوريا مكنش راضي يسيب الساندوتش من حلاوتها 😂😂
متتبل صح و خفيف و مقرمش من برا و يشبع لوحده 😍
و سندوتشات جمبري بالجبنة و سجق مالهمش حل 😍
احلي حاجة في المكان بقي طاسات الجبنة 😍 نفس فكرة البان سويسرا و بييجي معاها فينو برضو
بس الطعم يكسب ❤
طاسة الكابوريا كانت تحفة 😍 باين عليها نضافتها و تتبيلتها الاسكندراني الصح و الجبنة اللي بتشد 😍 ميكس الجبن حلو جدا و مظبوط
حاجة كدا يخربيت حلاوتها
و طاسة السدق ممكن نقعد نتكلم علي حلاوتها من هنا لبكرة الصبح 😂
غمس بقي و انسى الدنيا
يستاهل تروحوه فعلا و هتبقو زباينه علي طول ❤
الاسعار كلها متوسطة و موجودة في المنيو
روحو و ادعولنا 😂
العنوان : دريمز مول خلف المحكمه، التجمع الخامس، القاهرة الجديدة
التليفون : 01117725560/01062723362
تعليقات
إرسال تعليق
محتوى رائع استمروا