تعليقات

إرسال تعليق

محتوى رائع استمروا

المشاركات الشائعة من هذه المدونة

الموظفون في الأرض

فاكرين فيلم الموظفون في الأرض بتاع فريد شوقي - لما كان بيشتغل الصبح مدير عام و بالليل بيشحت قدام الجوامع - و قدر يجوز بناته و يجيب كل اللي نفسه فيه من الشحاتة - و مش من الوظيفة أهو ده بقى يبقى أنا حتة موظف في شركة قطاع عام بقالي دلوقت 18 سنة في الشركة - و قبلها 4 سنين في وزارة العدل - و بقيت على درجة مدير إدارة و على وش مدير عام في خلال سنتين - و شحات - أي نعم لسة ما قعدتش قدام الجوامع - بس برضه شحات الغريبة بقى إن الناس كلها في البلد قامت و اتكلمت و صرخت و عملت مظاهرات - لكن الناس اللي في الشركة اللي أنا فيها لا و لم و لن تفعل أي شئ ليه بقى - لأنهم موظفين - و لو عايزين تعرفوا يعني إيه موظفين إسمعوا لحن الموظفين بتاع سيد درويش طب و إيه اللي يخلي الموظفين قاعدين كده و عاملين في نفسهم كده بعد تفكير فلسفي عميق و بعد معايشة و خبرة 22 سنة موظف فهناك سبعة أسباب السبب الأول - إن الموظف بيعمل مصلحة من وراء قعدته اللي مالهاش أي لازمة في المصلحة أو في الشركة - و فيه مليون طريقة عند أي موظف لتقليب العيش - يعني اللي في القانون بيسموها تربح - وخد بالك من تشديد الباء المضمومة لو سمحت - أهون الطرق د...
قراءة المزيد

تكبيرات العيد

ملاحظة غريبة عن تكبيرات العيد الأيام دي ، يعني ، من كام سنة كده أنا فاكر لما كنا صغيرين و كنت باروح أصلي العيد مع بابا الله يرحمه ويحسن إليه ، كانت تكبيرات العيد مختلفة ، كانت كبيرة و طويلة ولذيذة ، وكنا بنمتحن بعض في المدرسة مين اللي حافظها أحسن من التاني كانت بتقول إيه زيادة على التكبيرات بتاعة دلوقت الله أكبر كبيرا ، والحمد لله كثيرا ، وسبحان الله بكرة و أصيلا لاإله إلا الله ، وحده ، صدق وعده ، ونصر عبده ، وأعز جنده ، وهزم الأحزاب وحده لا إله إلا الله ، ولا نعبد إلا إياه ، مخلصين له الدين ولو كره الكافرون اللهم صل على سيدنا محمد و على آل سيدنا محمد و على أصحاب سيدنا محمد و على أنصار سيدنا محمد و على أزواج سيدنا محمد و على ذرية سيدنا محمد وسلم تسليما كثيرا فيها حاجه غلط دي ، فيها شركيات ، فيها كفر ، فيها نفاق إيه الغلط فيها يا جدعان ؟؟؟ و لا هو يعني لازم نبقى مش عارف إيه عشان نبقى بتاع إيه
قراءة المزيد

أنا مكتئب جداً

طيب أنا عشان أبتدي في المدونة دي لقيت نفسي عامل زي اللي واقف في سوق الجملة بتاع الخضار و عايز يشتري نص كيلو قوطة أو زي اللي واقف في موقف عبود و مش عارف أصلاً هو عايز يسافر فين يعني بصراحة مش عارف أبتدي منين و لا أقول إيه المهم أحسن حاجة تستحملوني دلوقت لإني بصراحة قررت أبتدي إني أحكي لكم على نفسي و نفسي دي يعني شخصية صاحب الصورة اللي انتوا شايفينها ملطوعة ع المدونة أنا عارف بس إيه اللي خلاني أعمل مدونة ؟؟
قراءة المزيد