باحب البلد دي قوي

من أشعار الأستاذ محمد إبن الشاعر محمود اسماعيل جاد الله يرحمه - كان كاتبها عمنا أبو النجوم في مقالته حلاوة زمان في جريدة الدستور يوم الخميس 7 فبراير 2008

باحب البلد دي قوي
باحب فيها النيل و الليل و الهرم
و أعشق في ناسها الكرم
و أحب فيها الغلابة
و الجدعنة
و الشاعر المحترم
و أعشق دفوفها
و السمسمية و السلامية
و را المداح
و اموت في صوت الربابة
باعشق قناديلها من قلبي
باحب البلد دي قوي
ح اصلي لها و ح ادعي لها
يبقى حاكمها عادل ... سوي
باحب البلد دي
قوي قوي

أنا بقى حبيت كلامك و حبيتك قوي يا استاذ ياشاعر
و أحبك و نفسي أقعد معاك يا عمنا أبو النجوم

تعليقات

إرسال تعليق

محتوى رائع استمروا

المشاركات الشائعة من هذه المدونة

أنا مكتئب جداً

طيب أنا عشان أبتدي في المدونة دي لقيت نفسي عامل زي اللي واقف في سوق الجملة بتاع الخضار و عايز يشتري نص كيلو قوطة أو زي اللي واقف في موقف عبود و مش عارف أصلاً هو عايز يسافر فين يعني بصراحة مش عارف أبتدي منين و لا أقول إيه المهم أحسن حاجة تستحملوني دلوقت لإني بصراحة قررت أبتدي إني أحكي لكم على نفسي و نفسي دي يعني شخصية صاحب الصورة اللي انتوا شايفينها ملطوعة ع المدونة أنا عارف بس إيه اللي خلاني أعمل مدونة ؟؟
قراءة المزيد

طب و بعدين

حاجة غريبة قوي للدرجة دي أنا صاحب أفكار قيمة و جديدة و للدرجة دي الناس اللي على النت كانت مستنية واحد زي حالاتي يتكلم الغريبة بقى إني مش شايف في نفسي اللي الناس بتقول عليه ده يمكن زمان لما كنت صغير و لما كنت لسة في الجامعة كنت حاسس فعلا إني مختلف عن باقي الناس لكن بعد ما اتجوزت و اشتغلت و خلفت - و بعد ما عاشرت ناس لا يمكن كنت أتصور إني في يوم الأيام أفكر حتى أسلم عليها - على فكرة أنا مش باعيب في حد - لكن تخيل نفسك كده في المدرسة أو في الكلية اللي فيها ألوف - ومع ذلك أصحابك فيها لا يمكن يزيدوا عن خمسة - أصابع اليد الواحدة زي ما بيقولوا - و لازم لازم تشعر إن فيه ناس تانية و برضه زمايلك في المدرسة أو في الكلية - و مالكش دعوة بيهم خالص ولا حتى بتسلم عليهم تبص بقى بقدرة قادر تلاقي الناس الغريبة عنك دي بقى مقفول عليك و عليهم باب واحد في شركة - و لازم تفطروا سوا و لازم تتكلموا سوا و لازم تهزروا سوا و لازم يعرفوا كل حاجة عنك و عن بيتك ومراتك وعيالك و أبوك و أمك و إخواتك و معاك في جيبك كام - ورحت فين امبارح و ح تتغدى إيه النهاردة شوف بقى كمان لو كان ما فيش حاجه خالص بتجمع بينك و بينهم - و انت ن...
قراءة المزيد

تأثير الصلاة والقرآن في شهر رمضان

تأثير الصلاة والقرآن في شهر رمضان إليك نظرة عامة: أهمية الصلاة والقرآن في شهر رمضان فوائد الصلاة والقرآن في العبادة خلال شهر رمضان تأثير الصلاة والقرآن على النفس والروح في شهر رمضان تأثير الصلاة والقرآن على السلوك والأخلاق في شهر رمضان تأثير الصلاة والقرآن على العلاقات الاجتماعية في شهر رمضان كيفية الاستفادة القصوى من الصلاة والقرآن في شهر رمضان دور الصلاة والقرآن في تعزيز الصحة النفسية خلال شهر رمضان تأثير الصلاة والقرآن في تقوية العلاقة مع الله في شهر رمضان الصدقة كوسيلة لزيادة قبول الصلاة والقرآن في شهر رمضان كيفية تحقيق التركيز والإنصات أثناء الصلاة والقرآن في شهر رمضان تأثير الصلاة والقرآن في تحقيق السكينة والطمأنينة في شهر رمضان التأثير الإيجابي للصلاة والقرآن في تنظيم الوقت خلال شهر رمضان كيفية تخطيط جدول يومي يشمل الصلاة والقرآن في شهر رمضان تأثير الصلاة والقرآن في بناء القوة الإرادية والثبات في شهر رمضان الصبر والتفاني في الصلاة والقرآن خلال شهر رمضان كيفية تحفيز النفس للمحافظة على الصلاة والقرآن في شهر رمضان تأثير الصلاة والقرآن في تعزيز روح المحبة والتس...
قراءة المزيد