عملوها الوحوش
و الوحوش هنا مش هما أبطال الضفادع البشرية المصرية في فيلم الطريق إلى إيلات
الوحوش اللي عملوها معايا هما موقع اليوتيوب
فرح عديلة .... هد هد بلا نيله
جابوا درف البروفايل بتاعي
ياللا يا جدع انت مش عايزين دوشة
إيه الهم اللي انت حاطه هنا ده
الوحوش اللي عملوها معايا هما موقع اليوتيوب
فرح عديلة .... هد هد بلا نيله
جابوا درف البروفايل بتاعي
ياللا يا جدع انت مش عايزين دوشة
إيه الهم اللي انت حاطه هنا ده
ولا رقصة واحدة
ولا بوسة
و لا حتى واحده بتقلع
و كمان و لا فيديو كليب واحد لهيفاء وهبي
إيه الغبا ده
و الله الناس بتوع اليوتيوب يشكروا برضه
الناس حذروني كذا مرة
أنا بقى اللي طلعت مش كويس و قليل الأدب و ما باسمعش الكلام و أستاهل الي يجرالي
الايه آر تي بتاعة أخونا الكبير و عمنا و سيدنا و تاج راسنا اعترضت إن أنا واخد كام لقطة حاططهم في كام كليب على البروفايل بتاعي ع اليوتيوب و محطوط عليها علامة شركة الايه آر تي من غير ما يكون معايا حقوق نشر
يا خبر أبيض على الجريمة البشعة اللي عملتها
كيف تجرؤ يا محمد يا حسن
ده انت كمان مغير اسمك و مسمي نفسك قال إيه
Morsi6670
إخص عليك يا محتال يا مزور يا سفاح المعادي
طب انت أخدت الإذن الأول يا حرامي
مش لازم تستأذن الأول يا حمار يا متخلف
و لا هو يعني عشان انت مصري و معاك بطاقة رقم قومي و شفت لك كام يوم حلوين في شبابك يبقى خلاص من حقك تتفرج على أفلام مصرية و تاخد منها حتة حلوة كمان و تحطها على اليوتيوب
هي الأفلام دي بتاعتك يا كلب
ده فيه ناس بايعاها و ناس تانية اشترتها بفلوسها
ايش تعمل انت يا صعلوك بين الملوك
عايز تبسط الناس
عايز يقولوا عليك بتفكر كويس
عايز الناس تقول عليك فنان و حساس
عايزهم يقولوا دمك خفيف
و لا تكون عايز تفكر الناس إن كان فيه بلد حلوة اسمها مصر
يا مجرم يا كلب
يا زلنطحي يا جربوع على رأي سليمان بك نجيب في فيلم غزل البنات
أنسى بقى
خليك بقى في حالك و بعقلك كده
و انزل اقف في الطابور عشان تجيب عيش لعيالك
و روح الشركة كده و خليك موظف محترم
انترنت إيه و كلام فارغ إيه
ولا بوسة
و لا حتى واحده بتقلع
و كمان و لا فيديو كليب واحد لهيفاء وهبي
إيه الغبا ده
و الله الناس بتوع اليوتيوب يشكروا برضه
الناس حذروني كذا مرة
أنا بقى اللي طلعت مش كويس و قليل الأدب و ما باسمعش الكلام و أستاهل الي يجرالي
الايه آر تي بتاعة أخونا الكبير و عمنا و سيدنا و تاج راسنا اعترضت إن أنا واخد كام لقطة حاططهم في كام كليب على البروفايل بتاعي ع اليوتيوب و محطوط عليها علامة شركة الايه آر تي من غير ما يكون معايا حقوق نشر
يا خبر أبيض على الجريمة البشعة اللي عملتها
كيف تجرؤ يا محمد يا حسن
ده انت كمان مغير اسمك و مسمي نفسك قال إيه
Morsi6670
إخص عليك يا محتال يا مزور يا سفاح المعادي
طب انت أخدت الإذن الأول يا حرامي
مش لازم تستأذن الأول يا حمار يا متخلف
و لا هو يعني عشان انت مصري و معاك بطاقة رقم قومي و شفت لك كام يوم حلوين في شبابك يبقى خلاص من حقك تتفرج على أفلام مصرية و تاخد منها حتة حلوة كمان و تحطها على اليوتيوب
هي الأفلام دي بتاعتك يا كلب
ده فيه ناس بايعاها و ناس تانية اشترتها بفلوسها
ايش تعمل انت يا صعلوك بين الملوك
عايز تبسط الناس
عايز يقولوا عليك بتفكر كويس
عايز الناس تقول عليك فنان و حساس
عايزهم يقولوا دمك خفيف
و لا تكون عايز تفكر الناس إن كان فيه بلد حلوة اسمها مصر
يا مجرم يا كلب
يا زلنطحي يا جربوع على رأي سليمان بك نجيب في فيلم غزل البنات
أنسى بقى
خليك بقى في حالك و بعقلك كده
و انزل اقف في الطابور عشان تجيب عيش لعيالك
و روح الشركة كده و خليك موظف محترم
انترنت إيه و كلام فارغ إيه
مالك انت و المغتربين بره مصر
شوية ناس مخهم فاضي هناك و عمالين يحوشوا في فلوس
و انت هنا مرمي وسط العادم و الزباله و الغلاء و الوظيفة المعفنة اللي انت فيها
شوية ناس مخهم فاضي هناك و عمالين يحوشوا في فلوس
و انت هنا مرمي وسط العادم و الزباله و الغلاء و الوظيفة المعفنة اللي انت فيها
عملولك إيه المصريين اللي بره مصر
حبوك وفرحوا بيك شوية
و قالولك حلوة قوي الفيديوهات اللي حاططها
خليتنا نعيط يا اسمك ايه ... و بنحبك يا مصر ... وبس
طب ده اليوتيوب كده خدمك و ريح دماغك يا راجل
كل يوم دوشة و رسائل و طلبات
متشكرين يا يوتيوب
حبوك وفرحوا بيك شوية
و قالولك حلوة قوي الفيديوهات اللي حاططها
خليتنا نعيط يا اسمك ايه ... و بنحبك يا مصر ... وبس
طب ده اليوتيوب كده خدمك و ريح دماغك يا راجل
كل يوم دوشة و رسائل و طلبات
متشكرين يا يوتيوب
و افرحي يا أم العيال ... فضيت لك
عملوها الوحوووووووووووووش
و انا م البلد ديييييييييييييييييييييييييييي
و النبى يا شيخ ما تزعل انا حاسه ان الاكاونت حايرجع ان شاء الله مش عارفه ليه شفت البلوج بتاعتى انا كمان
ردحذفemydiaries.blogspot.com
حضرتك قلتها يبقى البيت بيت ابونا و الافلام افلامنا و فى الاخر يطردونا
ردحذفمعلش
فى ناس كتير دلوقتى بتخفى الشعار بتاع الاي ار تى و تحط عليه شعار تانى علشان الموضوع دة
حتوحشنا
بس البركة بقى فى الفيس بوك مع انى مبحبوش و على رأى قول الشاعر فسفس على الفيك بوك احسن متحط فيديو من بتوع صالح كامل على اليوتيوب و عجبى
سلام
يعنى انت ماعدش ليك اى كليب على اليو تيوب .. والله دانا اروح فيها., والله الظيم انا كل ماكنت بدخل كنت اعد اعمل داون لوود على قد ماقدر لاى كليب وكنت ناوى اجمعهم كلهم,, يانهار ابيض ياجدعان,و وشوف انت بقى عشان تعمل داون لود من اليو تيوب يعنى برامج ووقت ومشكلة وفى الاخر ساعات مايشتغلشى كمان بعد ماينزل والله انا نزلت صورك اللى انت مركبها على اغنية دور يازمن وكل شوية اتفرج عليها وادمع , مش على الصور لأ على الاغنية مع الصور (الاتنين سوا),و عموما عزاءنا انك بيننا,, اخوك الأصغر عمرو , انا ماعرفشى انت مش بترد عليا ليه بس ماشى,,
ردحذفاستاذ مرسى , أقولك حاجة حلوة
ردحذفاعمل حساب تانى فى اليو تيوب وحمل عليه كل كليباتك القديمة وسميه(مش مرسى6670) وعلى بال مايفتكروه يكون صالح كامل توفاه الله ,, او الموقع يكون قامت فيه ثورة تطالب بحرية رفع الكليبات.. والله بجد اعمل تانى ماتيأسشى وكلنا وراك ياريس...