قصة ملهمه لعلها تكون سبب في نجاح كل من يقرأها

 الكلام ده كان من حولي ٤٥ سنه كان في راجل كبير في السن اسمه الحاج الرمالي .. الراجل الطيب ده كان بيحب الخير للناس كلها 

كان بيشتغل بكفاح ليل نهار علشان يقدر يجوز بناته واولاده ويعلمهم احسن تعليم

* كمل القصه للاخر هتدخل سحب على هديه *

كان دايما يساعد المحتاج بكل ما اتاه الله من مال وعلم 

ربنا سبحانه وتعالى اكرمه بشاب طيب اتجوز واحده من بناته وكان الشاب ده من انقى واطيب شباب جيله كان رجل خير وتقوى اسمه عبد المنعم

كانت حالته المادية بسيطه لانه كان موظف حكومي فعرض عليه والد زوجته انه يشاركه في محل تجاري براس المال وعبد المنعم بالمجهود فوافق وكانت هذه بداية النجاح 

بدأ عبد المنعم نشاطه التجاري بكل ما اوتي من قوة 

كان دائما رجل قوة ومثالا للرجل الناجح 

 الصبح كان بشتغل موظف حكومي وبعد الوظيفه محل تجاري متخصص في مجال الادوات الكهربائيه والصيانه 

قرر يفتح المحل ده في منطقه محدش كان بيقدم فيها خدمه كهربائيه فقرر يساعد الناس ويقدملهم الخدمه دي 

اللي يعرفه كويس هيعرف انه كان بيخدم الناس بدون مقابل 

كان لما يجيله حد غلبان يشتري منه لمبه كان يديهاله هديه ويقوله ادعيلي 

كان لما حد يجيله يطلب منه تصليح اي حاجه كان بيصلحها بدون مقابل ويقوله ادعيلي 

كان يفضل قاعد في المسجد بعد الخطبه علشان يشوف المسجد محتاج ايه 

كان كل ما حد يجيله يطلب منه شغل مكانش بيوافق وبس لا ده كان بيعلمه الشغل وكل الناس اللي اشتغلت معاه ربنا اكرمهم بمحلات كان بيخليهم يفتحوا جميه عشان لو عايزين حاجه يسندهم ويقف جمبيهم وفعلا بقى عندنا اكتر من ١٥ محل ادوات كهربائيه في منطقة دير الملاك واشتهرت المنطقه بمحلات الكهرباء

كان بعد صلاة الجمعه يفضل قاعد في المسجد عشان يشوف احتياجات المسجد ويساعد فيها 

كل الناس اللي في منطقته تشهدله بالخير ووقف جمب كل الناس اللي يعرفهم واللي ميعرفهوش 

مره من المرات كان في حد غريب عن المنطقه حصلت معاه مشكله وطالب مساعده كل الناس قالوله روح للحاج عبد المنعم مشكلتك هتتحل 

وفعلا لقيت الراجل دخل المحل وعبد المنعم قام معاه ٥ دقائق ورجع كانت المشكله اتحلت 

كان اي حد عنده مشكله كان بيروح للحاج وربنا بيحلها من عنده 

مواقف كتير قوي ومساعدات وخدمات حصلت مع ناس كتير جدا عرفناها منهم بعد وفاته

كان كل اللي شاغل باله ازاي يكسب الاخره ويفهم الناس ان الاخره اهم واطلب الاخره هتكسب الدنيا والاخره

فقرر يدخل اولاده الازهر يدخل علشان يعلمهم دينهم 

ربنا رزقه بولد سماه صفوان وعلمه كتير جدا عن الحياه واهمية الصلاه وازاي تحب الناس وتخدمهم بدون مقابل وان كل حاجه بحساب .. كان بيعلمه انه عشان يعرف يكسب وينجح في التجاره بيعتمد على نجاحه في التجاره مع الله 

كان قبل وفاته تعب تعب شديد عشان ربنا يرزقه بثواب اكبر كان بيصلي وبيخدم الناس ويساعدهم بالرغم من وجوده في الرعايه المركزه 

كان لما يدخل غيبوبه كان مجرد ما يفوق منها يقرأ قران او ينصح نصيحه ويدخل غيبوبه تاني 

 يوم وفاته كان يوم حزن شديد على اهل منطقته كان الجميع بيشهدله بالخير وكان المسيحي قبل المسلم زعلان على فقدانه

كانت وصيته قبل وفاته ان المحل يفضل مفتوح لانه سبب في فتح بيوت ناس كتبر وانك عشان تنجح في حياتك وتجارتك لازم تخلي هدفك كبير وطموحك عالي وان التجاره الكسبانه واغلى تجاره هيه التاجره مع الله 

والحمد لله ربنا اعاننا على اننا نكمل المشوار ونحقق وصيته ونستمر في خدمة الناس ويستمر محل صفوان للاضاءة الحديثه في خدمة ومساعدة الجميع حتى لو على حسابنا الشخصي والحمد لله المحل بيكبر وبينجح بفضل دعمكم وحبكم ودعائكم لينا

شكرا لكل اللي ساهم في ان المحل يفضل مستمر . شكرا لكل واحد كان بيدعمنا شكرا لكل عائلة الرمالي وعائلة عبد المنعم انهم كانوا سبب في اننا نستمر في خدمة الناس 

وبنعتذر لكل حد طلب حاجه ومقدرناش نساعده

 بنعتذر لو حصل مننا حاجه كانت سبب في زعلك وبنطلب من الجميع الاستمرار في الدعاء وياريت لو حد زعلان مننا في حاجه يبلغنا وان شاء الله يرجع يحبنا تاني 

لو كان الحاج عبد المنعم او المحل سبب في انك تنجح او سبب في خير ليك او سبب في حل مشكله او في اسعادك حتى لو بابتسامه بسيطه هستأذنك تعمل شير وانشر القصه في كل حته لعلها تكون صدقه جاريه وسبب في زيادة الخير للناس .. علم ينتفع به او ولد صالح يدعو له

ولو حابب تدخل سحب على ٣٠ من الهدايا العشوائيه عدي علينا في المحل وسيب تليفونك وان شاء الله تبقى من الفائزين  .. بكرر شكري ليك واعتذاري على الاطاله .. ربنا يتقبل منا صالح الاعمال ويجعلها خالصة لوجهه الكريم 

لينك صفحة الفيس 

لينك الموقع الالكتروني 

للحصول على الموقع الجغرافي